बाग्लुङ : गलकोट नगरपालिकाका दुईजनामा डेंगु संक्रमण देखिएको छ। गलकोट नगरपालिका–३ हटियाका ३१ वर्षीय एक पुरुष र बाग्लुङ स्थायी ठेगाना भई पोखराको शान्तिवाटिका बस्ने २६ वर्षीया एक महिलामा डेंगुको संक्रमण देखिएको स्वास्थ्य कार्यालय बाग्लुङले जनाएको छ।

उनीहरूको उपचार पोखराको फेवासिटी अस्ताल र गण्डकी अस्पतालमा भइरहेको छ। स्थायी ठेगाना बाग्लुङ भए पनि उनीहरू धेरैजसो जिल्लाबाहिर बस्ने गरेको पाइएको स्वास्थ्य कार्यालय बाग्लुङका क्षय–कुष्ठ सुपरभाइजर देवप्रकाश घिमिरेले जानकारी दिए।

डेंगुको संक्रमण भेटिएपछि बाग्लुङ सदरमुकामसहित पर्वत र म्याग्दीका स्वास्थ्य कार्यालयले सतर्कता अपनाउन सर्वसाधारणलाई आग्रह गरेका छन्। सदरमुकाम बाग्लुङ बजारमा जिल्ला स्वास्थ्य कार्यालयले माइकिङसमेत गर्न थालेको छ।