५ साउन २०७६ , आइतवार

जनकपुर अञ्चल अस्पतालमा बिरामीको मृत्यु

धनुषा : जनकपुर अञ्चल अस्पतालमा उपचारका क्रममा एक बिरामीको मृत्यु भएको छ। शनिबार अपराह्न मधुमेहको उपचारका लागि आएका जनकपुरधाम उपमहानगरपालिका १ का ७० वर्षीय अब्दुल करिमको मृत्यु भएको हो।

शनिबार राति नै करिमको मृत्यु भएको हाे। अक्सिजन अभाव र उपचारमा लापरवाहीका कारण मृत्यु भएको मृतकका परिवारजनले आरोप लगाएका छन्। उपचारका लागि ४ बजे नै अस्पतालमा आएका बिरामीलाई राती साढे ८ बजेसम्म कुनैपनि डाक्टर हेर्न नआएकाे उनकाे भनाइ छ।

करिमलाई मेडिकल वार्डमा ल्याइएपछि त्यहाँ ड्युटीमा रहेका चिकित्सक मनिष पाण्डेयले उपचारमा ध्यान नदिएको मृतकका छोरा मोहम्मद जिलानीले बताए।

पीडित पक्षले दोषी चिकित्सक र अस्पताल प्रमुखलाई कारवाहीको माग गरेका छन् । अस्पतालमा तनाव बढेपछि रातिदेखि नै सुरक्षाकर्मीको व्यवस्था गरिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।