बारा : जिल्ला अस्पताल कलैयामा शल्यक्रियामार्फत् प्रसूति गराउने सेवा पाँच महिनादेखि बन्द छ। सेवा हुँदा सर्वसाधारण जिल्लाबाहिर जान बाध्य छन्।

प्रसूति सेवा बन्द भएपछि उनीहरू वीरगञ्जस्थित विभिन्न अस्पतालमा जान बाध्य भएका हुन्। अस्पतालका प्रमुख त्रिभुवनचन्द्र झा जनशक्ति अभाव र जेनेरेटर बिग्रिएका कारण सेवा दिन नसकेको बताउँछन्। अप्रेसन थिएटरको बिग्रिएको ढोका समेत मर्मत हुन नसकेको उनले बताए।

अस्पतालमा विभिन्न समस्या भए पनि गत वर्षको साउनदेखि जेठसम्म तीन हजार ५०० जनाको ‘नर्मल’ प्रसूति गराएको दाबी उनले गरे।

शल्यक्रियाका लागि दुई नर्स, कार्यालय सहयोगी दुई, शिशु हर्ने एक जना, बेहोश गर्ने एक जना आवश्यक पर्ने भए पनि अस्पतालमा जनशक्ति अभाव छ। अस्पतालमा ६० जनाको दरबन्दी रहे पनि १९ जना मात्र कर्मचारी रहेको प्रमुख झाले जानकारी दिए।

प्रदेश २ को स्वास्थ्य क्षेत्र हेर्ने क्षेत्रीय निर्देशक प्रमोद यादवले अस्पतालमा अप्रेसन सेवा बन्द भएकोबारे अनभिज्ञता जनाए। उनले आमा सुरक्षा भत्ता अस्पतालमा पठाएको पनि दाबी गरे।