५ साउन २०७६ , आइतवार

ओखलढुंगा पूर्ण खोप सुनिश्चित जिल्ला

ओखलढुंगा : जिल्लालाई ‘पूर्ण खोप सुनिश्चित तथा दिगोपन जिल्ला’ घोषणा गरिएको छ।

खोप लगाउने उमेरका सबै बालबालिकाले समयमै खोप लगाएको र अब जन्मिने बालबालिकाले पनि खोप पाउने सुनिश्चित भएसँगै ओखलढुंगा पूर्ण खोप सुनिश्चित तथा दिगोपन जिल्ला बनेको हो।

जिल्लामा जन्मिएदेखि १५ महिना उमेर समूहका दुई हजार ७३५ बालबालिका रहेको बताइएको छ। यस्तै १६ देखि २३ महिनाभित्रका एक हजार ७१२ बालबालिका छन् ।

सबै बालबालिकाले समयमै सम्पूर्ण खोप पाइसकेकाले जिल्लालाई पूर्ण खोप सुनिश्चित तथा दिगोपन जिल्ला घोषणा गरिएको जिल्ला स्वास्थ्य प्रमुख मोहन सुवेदीले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।