५ साउन २०७६ , आइतवार

जहाज रिजर्भ गरी लगियाे स्वास्थ्यकर्मीकाे शव

हुम्ला : आत्महत्या गरेका स्वास्थ्यकर्मी भुवनेश्वर आचार्यको शव हवाइजहाजमा ‘रिजर्भ’ गरेर सिमकोटबाट नेपालगञ्ज लगिएको छ। मृतक आचार्यका छोरा शितल आचार्यलगायतले आचार्यको शव जहाज रिजर्भ गरी लगेका हुन्।

जिल्ला अस्पताल हुम्लामा शनिबार परीक्षण गरेपछि शव आफन्तलाई बुझाइएको थियो ।

अहेब आचार्यले शुक्रबार सदरमुकाम सिमकोटमा डिभिजन वन कार्यालयको माथिल्लो तलको बार्दलीको रेलिङमा पासो लगाएका थिए ।

कैलाली टिकापुरका ५७ वर्षीय आचार्य २२ वर्षदेखि सर्केगार्ड गाउँपालिका–२ को रिप स्वास्थ्य चौकीमा कार्यरत थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।