५ साउन २०७६ , आइतवार

बाढी प्रभावित क्षेत्रमा स्वास्थ्य जाँच गर्दै डा. केसी

काठमाडौं : त्रिवि शिक्षण अस्पतालका चिकित्सक गोविन्द केसी रौतहटको भावित ईशनाथ नगरपालिका पुगी बाढी प्रभावितको स्वास्थ्य जाँच थालेका छन्।

डा. केसीले शुक्रबारदेखि बञ्जरहाको स्वास्थ्य चौकीमा आएका बिरामीहरूको स्वास्थ्य परीक्षण गरेका हुन्। उनलाई स्थानीय स्वास्थ्यकर्मीले सघाएका थिए।

बाढीसँगै डुबानको पीडामारहेका रौतहटका सर्वसाधारणलाई राहत पुगोस् भन्ने उद्देश्यले आफू रौतहट पुगेको डा. केसीले बताए।

स्वास्थ्य चौकीमा आएका १० भन्दा बढी स्थानीयमा झाडापखाला लागेको पाइएको छ। बाढी प्रभावित बस्तीमा झाडा पखालासँगै भाइरल ज्वरोलगायतका रोग देखापरेको उनकाे भनाइ छ।

बाढी प्रभावित स्थलमा पिउने पानी निकै दूषित रहेकाे भन्दै डा. केसीले स्थानीयलाई स्वच्छ पानीको प्रबन्ध मिलाउन उनले सरकारसँग माग गरेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।