२ साउन २०७६ , बिहिबार

पेट्रोलियम ढुवानी व्यवसायी र कर्मचारीलाई ओम अस्पतालमा सहुलियत

काठमाडौं : नेपाल पेट्रोलियम ढुवानी व्यवसायी महासंघका सदस्य तथा कर्मचारीले ओम अस्पतालमा सहुलियत पाउने भएका छन्।

ओम अस्पताल तथा रिसर्च सेन्टर र नेपाल पेट्रोलियम ढुवानी व्यवसायी महासंघबीच सदस्य तथा कर्मचारीलाई उपचारमा सहुलियत सुविधा दिनेगरी बिहीबार सम्झौता भएको हो।

सहमतिअनुसार संघका सदस्य तथा कर्मचारीहरूले चिकित्सकसँगको ‘कन्सल्टेसन, औषधिको बिल, ‘डिस्पोजेबलु, प्रत्यारोपण सामग्री र विशेष प्याकेजबाहेकका सेवामा विशेष छुट पाउने छन्।

सम्झौतामा ओम अस्पतालका प्रबन्ध सञ्चालक बाबुकाजी कार्की, सञ्चालक समिति सदस्य तथा जनसम्पर्क निर्देशक हरिप्रसाद पाठक, वित्त निर्देशक दीपेन्द्र पोखरेल र नेपाल पेट्रोलियम ढुवानी व्यवसायी महासंघका महासचिव विश्वप्रसाद अर्याल र वरिष्ठ सल्लाहकार लिलेन्द्रप्रसाद प्रधानले हस्ताक्षर गरे।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।