जंगली वनस्पति खाँदा दाजुबहिनीको मृत्यु, आमा गम्भीर बिरामी
अछाम : रामारोशन गाँउपालिकामा जंगली वनस्पतिको तरकारी खाएका दाजु र बहिनीको मृत्यु भएको छ भने आमा गम्भीर बिरामी छिन्।
शुक्रबार बिहान निँगुरो जस्तै देखिने वनस्पति खाएका रामारोशन गाउँपालिका ५ तल्लोपाटनका ११ वर्षीय रमेश बोहरा र बहिनी ५ वर्षीया मनिषाको मृत्यु भएको हो।
आमा नरपता बोहोराको अवस्था गम्भीर छ। उनलाई बयालपाटा अस्पताल अछामबाट थप उपचारका लागि बाँकेको कोहलपुर लगिएको छ। मनिषाको राति एक बजे घरमै ज्यान गएको हो भने रमेशलाई अस्पताल पुर्याए पनि बचाउन नसकिएको बयालपाटा अस्पतालका डा. विकास गौचनले बताए।
शुक्रबार बिहान जंगली वनस्पति खाएका उनीहरूले पेट दुख्ने, वाकवाकी लाग्ने, वान्ता हुने, रिंगटा लाग्ने र ओठमुख सुक्ने समस्या बल्झिएपछि शनिबार साँझमात्रै आफन्तलाई खबर गरेका थिए।
नेपाल फार्मेसी परिषद्को रजिस्ट्रारमा हरिश सिंह थापा नियुक्त
व्यवहारिक मनोविज्ञान सम्बन्धी अन्तराष्ट्रिय सम्मेलन गर्दै नेशनल कलेज
वरिष्ठ प्याथोलोजिस्ट डा सुजन शर्मा स्पेनको बायोसिस्टम्समा प्राविधिक सल्लाहकार नियुक्त
चौंथो सुदीप्ता क्यान्सर सर्भाइभर र्याम्प शो हुँदै
स्वास्थ्य बीमा बोर्डको अध्यक्षमा डा सुवास प्याकुरेल नियुक्त