२९ असार २०७६ , आइतवार

जङ्गली च्याउ खाँदा सात जना बिरामी

जाजरकोट : जङ्गलबाट ल्याएको च्याउ खाँदा सात जना बिरामी परेका छन्।

जङ्गलबाट ल्याएको च्याउ खाँदा बारेकोट गाउँपालिका १, सिल्पाचौर घर भई सदरमुकाम खलंगामा बस्दै आएका शान्त बुढा, रत्न बुढा, ओमप्रकाश बुढा, बिरामी परेका छन्। डम्बर पुन, शान्ति पुन, टकबहादुर पुन र तिलबहादुर थापा पनि बिरामी परेका छन्।

जाजरकोट अस्पतालमा उनीहरूको उपचार भइरहेको अस्पतालका डाक्टर अमिन शाहले बताए। सातै जनाको स्वास्थ्य अवस्था सामान्य रहेको शाहले बताए।

बारेकोट घरबाट खलंगा आउँदा फुलचाउँलीको लेकबाट रत्न बुढाले च्याउ टिपेर ल्याएको र शनिबार साँझ पकाएर खाएका थिए। खाएलगत्तै उनीहरूलाई बान्ता भएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।