डडेल्धुरा अस्पतालको सेवा तीनदेखि ठप्प
डडेल्धुरा : सदरमुकाममा रहेको डडेल्धुरा अस्पतालमा खटिएका चिकित्सक सेवा बन्द गरी बस्दा बिरामीहरू मारमा परेका छन्।
चिकित्सकमाथि पटक–पटक आक्रमण हुन थालेको भन्दै सुरक्षाको माग गर्दै अस्पतालमा कार्यरत चिकित्सकहरूले बिहीबारदेखि आकस्मिकबाहेकका सबै सेवा ठप्प पारेका हुन्।
आकस्मिक बाहेकका सबै सेवा ठप्प भएपछि सेवाग्राहीले अहिले सास्ती भोगिरहेका लालिका दार्चुलाका मनोज नेपालीले बताए।
चिकित्सकको सुरक्षाको जिम्मेवारी प्रशासनले लिने भन्दै अस्पतालको सेवा पुनः सञ्चालन गर्न प्रमुख जिल्ला अधिकारी राजुप्रसाद पौडेलले आग्रह गरेका छन्।
पटक–पटक आक्रमण हुँदा स्थानीय प्रशासनबाट कुनै सुरक्षा नपाएका कारण आफूहरु काममा फर्किन नसक्ने अस्पतालका चिकित्सक डा. जीवन खरेलले बताए।
गत जेठ ३१ गते सुत्केरी भएको १४ दिनपछि अमरगढी–६ की गीता ताम्राकारको मृत्यु भएपछि डडेलधुरा अस्पतालमा कार्यरत चिकित्सकमाथि हातपात भएको थियो।
बुधबार दिउँसो १२ बजेतिर स्थानीय अमरगढी नगरपालिका–११ का वडाध्यक्ष सूर्यप्रकाश खड्काको नेतृत्वमा आएको टोलीले शव परीक्षण गरिरहेका चिकित्सकमाथि आक्रमण गरेको अस्पतालमा कार्यरत चिकित्सकले जानकारी दिए।
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम