२७ असार २०७६ , शुक्रबार

बीपी स्वास्थ्य विज्ञान प्रतिष्ठानका उपकुलपति डा रौनियार घुससहित पक्राउ

काठमाडौं : बीपी कोइराला स्वास्थ्य विज्ञान प्रतिष्ठान धरानका उपकुलपति डा राजकुमार रौनियार ८ लाख रुपैयाँ घुस रकमसहित पक्राउ परेका छन्।

अख्तियार दुरुपयोग अनुसन्धान आयोगको टोलीले डा रौनियारलाई घुस रकम सहित पक्राउ गरेको हो । प्रतिष्ठानको भवन निर्माणको ठेक्कामाघुस मागेको सूचनाको आधारमा पुगेको टोलीले प्रतिष्ठान परिसरमा रहेको उपकुलपति निवास धरानबाट उनलाई पक्राउ गरेको हो ।

उनी सहित अर्का चिकित्सक डा रामहरि रौनियारलाई रंगेहात नियन्त्रणमा लिइएको अख्तियारका प्रवक्ता प्रदिप कोइरालाले जानकारी दिए। उनीहरुबारे थप अनुसन्धान भइरहेको पनि कोइरालाले जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।