हेटौंडा : प्रदेश–३ सरकारले आफ्नो प्रदेश भित्र आउने तरकारी तथा खाद्यान्नको परीक्षण गर्न प्रयोगशाला निर्माण गर्ने भएको छ।

प्रदेश ३ को उद्योग, पर्यटन, वन तथा वातावरण मन्त्रालयले खाद्य प्रयोगशाला निर्माण गर्न लागेको हो। प्रदेश ३ मा बाहिरबाट खाद्यन्न, फलफूल तथा तरकारी आउने मुख्य नाका रहेकाले प्रयोगशाला निर्माण गर्न लागेको उद्योग, पर्यटन, वन तथा वातावरण मन्त्री अरुणप्रसाद नेपालले जानकारी दिए।

उनले नाकाहरूबाट आउने खाद्यान्न सामग्री तथा तरकारीहरुमा समेत अनुगमन तथा परीक्षणको काम गर्ने समेत बताए।