सर्लाही : उपचारका क्रममा बालिकाको मृत्यु भएपछि लालबन्दी–१ नवलपुरस्थित सर्पदंश उपचार केन्द्रमा तोडफोड भएको छ।

सर्पले डसेपछि सोमबार उपचारका लागि ल्याइएकी हरिवन नगरपालिका–९ का पुष्कर बुढाथोकीकी छोरी साढे दुई वर्षीया सम्पदाको मृत्यु भएपछि आफन्तले अस्पतालमा तोडफोड गरेका हुन्।

राति बालिकाको मृत्युपछि तनावग्रस्त बनेको थियाे। पछि जनप्रतिनिधि र सुरक्षा अधिकारीले सम्झाइबुझाइ गरेपछि मध्यरातमा आफन्तले बालिकाकाे शव बुझेका थिए।

नवलपुर सर्पदंश उपचार केन्द्रले हालसालै मात्र भेन्टिलेटर र आईसीयू सेवा सञ्चालनमा ल्याएको छ।