मकवानपुरका विपन्न चेपाङकाे स्वास्थ्य बिमा
हेटौँडा : गरिबीका कारण स्वास्थ्य उपचारबाट बञ्चित भीमफेदी गाउँपलिकाका १०८ परिवार चेपाङ समुदायको स्वास्थ्य बिमा गरिएको छ। गाउँपालिकाको लगानीमा १०८ परिवारका ५०५ जनाको निःशुल्क स्वास्थ्य बीमा गरिएको हो।
गाउँपालिकाले ४ लाख १९ हजार रुपैयाँ लगानी गर्दै बिपन्न परिवारका चेपाङहरूको स्वास्थ्य बिमा गरिदिएको हो। बिमा भदौबाट लागू हुने गाउँपालिका कार्यालयले जनाएको छ ।
बिमा गरिएका परिवारलाई शुक्रबार गाउँपालिकाले बिमा कार्ड हस्तान्तरण गरेको छ। गाउँपालिका वडानम्बर(२ कार्यालयबाट बिमा गरिएका परिवारको सदस्यलाई गाउँपालिकाका अध्यक्ष हिदम लामा, उपाध्यक्ष पार्वती राना, गाउँपालिकाका प्रशासकीय अधिकृत जीवन कुँवर, पत्रकार महासंघ प्रदेश ३ का अध्यक्ष प्रताप बिष्टले परिचयपत्र वितरण गरेका हुन्।
स्वयंसेवक परिचालन गरी बिपन्न चेपाङ समुदायको तथ्याङ्क संकलन गरी बिमा गरिएको कार्यालयले जनाएको छ। संकलित तथ्याङकअनुसार गाउँपालिकाको ५ र ८ वडा बाहेक अन्य सबै वडामा चेपाङ समुदायको बासोबार रहेको कार्यालयका स्वास्थय संयोजक ध्रुवप्रसाद लामिछानेले बताए।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा