वीपी कोइराला स्वास्थ्य विज्ञान प्रतिष्ठानको तालाबन्दी खुल्यो
सुनसरी : बीपी कोइराला स्वास्थ्य विज्ञान प्रतिष्ठानको उपकुलपति र शिक्षाध्यक्षको कार्यकक्षमा चार दिनदेखि लागेको ताला आइतबार बिहान खुलेको छ।
स्नातकोत्तर तह एमडी एमएसको केही विभागमा विदेशी विद्यार्थी कोटा बढी भएको भन्दै जुनियर रेसिडेन्ट वेल्फेयर सोसाइटीले चार दिनअघि ताला लगाएको थियो। प्रतिष्ठानका जुनियर चिकित्सकहरूको संस्था र प्रतिष्ठानबीच पाँचबुँदे सहमति भएपछि तालाबन्दी खुलेको हो।
प्रतिष्ठानको व्यवस्थापन पक्षले एमडी एमएसको इन्टर्नल मेडिसिन, पेडियाट्रिक्स (बालरोग) र सर्जरी (शल्यक्रिया) मा एक–एक सिट नेपाली विद्यार्थीको कोटा बढएपछि सहमति भएको आन्दोलनरत सोसाइटीका अध्यक्ष डा. कविराज पौडेलले जानकारी दिए।
सहमति अनुसार इन्टरनल क्याटगोरी सिट बाँडफाँडसम्बन्धी प्रतिष्ठानको सन् २०१५ देखिको प्रवेश परीक्षा कार्यविधि संशोधन गर्दै नेपाली विद्यार्थीलाई कम्तीमा ५० प्रतिशत सिट हुने कार्यविधि बनाउने, स्नातकोत्तर तहको सिट प्रतिष्ठानद्वारा आफ्नो क्षमताका साथ सञ्चालन गर्नेलगायत रहेका छन्।
सहमतिपछि उपकुलपति प्राध्यापक डा. राजकुमार रौनियारले सरकारले वीपी प्रतिष्ठानका चिकित्सक, नर्स र कर्मचारीलाई तलब भत्ता सुविधा नदिएपनि नेपाली विद्यार्थीको हितमा सिट संख्या बढाएको बताए।
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै