‘अस्पतालकाे लापरवाहीले चार जनाकाे मृत्यु’
मोरङ : सेप्टी ट्याङ्कीमा निस्सासिएर अचेत चार जनाको मृत्यु अस्पतालको लापरबाहीले भएको आफन्त र स्थानीयले गरेका छन्।
जिल्लाको डायनियामा निर्माणाधीन सेप्टी ट्याङ्कीमा शनिबार अपराह्न निस्सासिएर घाइते भएका ५ मध्ये फिरोज आलम, सहनवाद, कफिल आलम र मोहम्मद आलमको मृत्यु भएको थियाे। घाइते दाउद मियाँको उपचार गोल्डेन अस्पताल विराटनगरमा भइरहेको छ।
अकल्पनीय घटनापछि गाउँ शोकमा डुबेको मात्र छैन आफन्त र स्थानीय आक्रोशित पनि छन्। समयमा उपचार नहुँदा चार जनाको मृत्यु भएको उनीहरूको दाबी छ । उनीहरुले रंगेली अस्पतालमा तोडफोडसमेत गरेका छन्।
स्थानीय मेडिकल अफिसरको दरबन्दी भएको रंगेली अस्पतालमा चिकित्सक नहुनु र नर्सबाटै उपचारको प्रयास गर्नु चरम लापरवाही भएको बताउँछन्।
‘चिकित्सक नभएपछि अस्पतालले समयमै घाइतेलाई विराटनगर ‘रेफर’ गर्नुपर्थ्यो, तर त्यो अवस्थाका बिरामीलाई उपचार नगरी अक्सिजनविनै डेढ घण्टासम्म राखियाे’, एक स्थानीयले भने, ‘यो अस्पतालको चरम लापरवाही हो।’
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै