काठमाडौं : युवतीहरूलाई तिखो वस्तुले आक्रमणमा गर्ने युवकलाई नेपाल प्रहरीले पक्राउ गरी सार्वजनिक गरेको छ। महाराजगञ्जबाट बिहीबार राति पक्राउ परेका ३० वर्षीय सन्तोष कार्की रहेको महानगरीय प्रहरी परिसर काठमाडौंले जनाएको छ।

महानगरीय प्रहरी परिसर टेकुमा भएको पत्रकार सम्मेलनमा कार्कीले आफूले युवतीहरूलाई आक्रमण गरेको स्वीकारेका छन्। तर सिरिञ्जले नभई ढलानको किलाले युवतीहरूलाई घोपेको बताएका छन्।

काठमाडौंसँगै भक्तपुर र काभ्रेपलाञ्चोकमा पनि युवतीहरुमाथि धारिलो र तिखो वस्तुले आक्रमण भएको थियो। पछिल्लो पटक बनेपामा एक ३४ वर्षीया युवतीमाथि सिरिञ्जबाटै आक्रमण भएको प्रारम्भिक निष्कर्ष प्रहरीले निकालेको छ।

महिलाहरुमाथि श्रृखलाबद्ध रुपमा शंकास्पद् ‘सिरिन्ज’ आक्रमण भएपछि धेरै मानिस त्रासमा परेका थिए। रोग सार्ने नियतले आक्रमण गरेको हुनसक्ने आशंकामा पीडित महिलाहरुलाई एआईभीविरुद्धको ‘एआरटी’ औषधि चलाइएको छ भने हेपाटाइटिसविरुद्धको भ्याक्सिन दिइएको थियाे।