अस्पतालमा तीन दिनदेखि पानी अभाव
हुम्ला : जिल्ला अस्पतालमा तीन दिनदेखि खानेपानी अभाव भएको छ। जिल्लाको एक मात्र अस्पतालमा तीन दिनयता पानीको अभाव भएपछि सरसफाइमा समस्या देखिएको छ।
पानीको अभाव हुँदा शल्यक्रियालगायतमा समस्या भएको अस्पतालले जनाएको छ। खानेपानीको अभावमा बिरामी तथा अन्य सरसफाइमा समस्या हुनुका साथै अस्पतालमा रहेको शौचालयसमेत दुर्गन्धित हुने सम्भावना बढी देखिएको डाक्टर नवीन रोकायाले जानकारी दिए।
उनका अनुसार जिल्ला अस्पतालमा कार्यरत कर्मचारीले १५ मिनेटको बाटो भएर तल्लो बजारदेखि माथिल्लो बजारमा रहेको तीन धारामा गएर पानी ल्याउनुपर्ने अवस्था छ।
अस्पतालमा तीन दिनदेखि खानेपानीको अभाव भएपछि खानेपानी उपभोक्ता समितिले मर्मत जारी राखे पनि मर्मत हुन नसकेको डा. रोकायालेले जानकारी दिए।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा