डडेल्धुरा : क्यान्सरपीडित क्रिकेट खेलाडीको उपचारका लागि संकलन गरिएको सहयोग रकम परिवारलाई हस्तान्तरण गरिएको छ।आलिताल गाउँपालिका–६ का २६ वर्षीय केशव सिंहको उपचारका लागि संकलित रकम हस्तान्तरण गरिएको हो।

शनिबार कार्यक्रम आयोजना गरी एकाई कमिटीले डडेल्धुरा सदरमुकाममा गत आइतबारबाट संकलन गरेकोे ६० हजार ५ सय ६५ रुपैयाँ केशवकी आमा मीरादेवी सिंहलाई हस्तान्तरण गरेको हो।

रकम बुझ्दै आमा मीरादेवीले सहयोगीहरूलाई आभार व्यक्त गरिन्। शनिबार कार्यक्रम आयोजना गरी एकाई कमिटीले डडेल्धुरा सदरमुकाममा गत आइतबारदेखि संकलन गरेकोे ६० हजार पाँच सय ६५ रुपैयाँ केशवकी आमा मीरादेवी सिंहलाई हस्तान्तरण गरेको हो।

सिंह विभिन्न समयमा क्षेत्रीय क्रिकेट प्रतियोगिता खेलिसकेका क्रिकेटर हुन्। सहयोग गर्न चाहने व्यक्ति वा संस्थाहरूले केशव सिंहको ग्लोबल आइएमई बैंक डडेल्धुरा शाखामा रहेको खाता नम्बर १९०७०१०००२५६७ मा सहयोग रकम जम्मा गर्न सकिने जनाइएको छ।