राप्ती प्रतिष्ठानमा हडताल नगर्न उच्च अदालतको आदेश
दाङ : उच्च अदालत तुलसीपुरले राप्ती स्वास्थ्य विज्ञान प्रतिष्ठान घोराहीमा हडताल वा आन्दोलन नगर्न नगराउन आदेश जारी गरेको छ।
मुख्य न्यायाधीश नहकुल सुवेदी र न्यायाधीश शिवनारायण यादवको इजलासले स्वास्थ्य सेवा प्रभावित हुने गरी कुनै प्रकारका आन्दोलन नगर्न\नगराउन प्रतिष्ठानमा गठित संघर्ष समिति र पदाधिकारीका नाममा बुधबार आदेश दिएको हो।
अदालततको आदेशमा प्रतिष्ठानका कर्मचारीहरूद्वारा गठिन संघर्ष समितिको नाममा स्वास्थ्य सेवाजस्तो अत्यावश्यक र संवेदनशील क्षेत्र अवरुद्ध हुनेगरी हडताल भएकाले नागरिकलाई स्वास्थ्य सेवाबाट वञ्चित नगरिने भन्ने संविधान र जनस्वास्थ्य ऐन २०७५ को दफा ३ ले प्रत्याभूत गरेको आम नागरिकको अधिकारमा आघात पुगेको ठहर गरिएको छ।
अस्पतालको सेवा प्रभावकारी नभएको, सेवासुविधा नपाएको भन्दै प्रतिष्ठानमा कार्यरत कर्मचारीले पटकपटक आन्दोलन गर्दै आएका थिए। जसका कारण प्रतिष्ठानको स्वास्थ्य सेवा अवरुद्ध भएको थियो।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण