Health TV Online
Health TV Online

बिहारको मुजफ्फरपुरस्थित इन्सेफ्लाइटिस प्रभावित क्षेत्रमा पुगे १०० स्वास्थ्य अधिकारी

बिहारको मुजफ्फरपुरस्थित इन्सेफ्लाइटिस प्रभावित क्षेत्रमा पुगे १०० स्वास्थ्य अधिकारी

पटना : पटना भारत सरकारले बिहारको मुजफ्फरपुरस्थित इन्सेफ्लाइटिस प्रभावित क्षेत्रमा १०० सय स्वास्थ्य अधिकारी पठाएको छ।

मुजफ्फरपुरमा इन्सेफ्लाइटिसको प्रकोपका कारण १०० भन्दा बढी बालबालिकाको मृत्यु भएपछि चिकित्सकसहितको टोली त्यहाँ पठाइएको हो।

त्यहाँको राज्य सरकारलाई औषधि उपचारका साथै रोगजन्य विषयमा आवश्यक सहयोग र अनुसन्धान गर्नका लागि सो उच्चस्तरीय टोली त्यसतर्फ पठाएको बताइएको छ ।

बिहार सरकारको स्वस्थ्य मन्त्रालयले दिएको जानकारी अनुसार महामारीको नियन्त्रणका लागि भारतको केन्द्रीय सरकारले बिहारको विभिन्न स्थानमा अत्याधुनिक प्रयोगशाला पनि राखेको छ ।

मन्त्रालयले पछिल्लो समयमा बिहारका अरु जिल्लामा पनि यस प्रकोपको खतरा बढ्दै जाने आशंका उत्पन्न भइरहेकोले अरु जिल्लामा पनि यस्तो खालको प्रयोगशाला राख्ने जानकारी गराएको बताइएको छ।

भारत सरकारका स्वास्थ्यमन्त्री हर्षवर्धनले बिहारमा देखिएको उक्त महामारीको नियन्त्रणका लागि सरकारले आवश्यक पहल गरेको जानकारी दिए। उनले बिहार सरकारले विभिन्न स्थानमा अनुसन्धान केन्द्र तथा प्रयोगशाला राखेर काम गरिरहेको जानकारी दिएका छन्।

मुख्यमन्त्री नितिश कुमारले रोगविरुद्ध लड्न सबै स्वास्थ्य निकायलाई सक्रियतापूर्वक काममा जुट्न निर्देशन दिएका छन्।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार