२ असार २०७६ , सोमवार

मेचीनगरमा थप दुई जनामा डेंगु

झापा : मेचीनगरमा थप दुई जनामा डेंगु संक्रमण फेला परेको छ। यसअघि पनि सो स्थानमा दुई जना डेंगुका रोगी फेला परेका थिए।

मेचीनगर १ पाटापुर र १० को पशु बजारमा दुईजना डेंगुको रोगी फेला परेको नगरपालिकाको स्वास्थ्य शाखा संयोजक शशीकला राईले जानकारी दिइन्।

यसअघि मेचीनगर ९ स्थित खुट्टीडाँगी दुर्गा टोलमा आमा छोरामा डेंगुको संक्रमण देखिएको थियो। नगरमा संक्रमितको संख्या चार पुगेको संयोजक राईले जानकारी दिइन्। योसँगै झापा जिल्लामा डेंगु संक्रमितको संख्या १४ पुगेको छ।

संक्रमितको घरमा पुगेर नगरपालिकाको स्वास्थ्यकर्मीको टोलीले उनीहरूका परिवारसँग छलफल गरेको छ।

पछिल्लो समय सुनसरीको धरानमा प्रकोपको रूप लिइसकेको डेंगुका संक्रमित नगरमा धमाधम फेला पर्न थालेपछि नियन्त्रणमा कडाइका साथ अघि बढेको मेचीनगर नगरपालिकाका प्रमुख विमल आचार्यले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।