विषालु च्याउ खाएर बिरामी परेकाको उपचार खर्च सरकारले बेहोर्ने

पाल्पा : निस्दी गाउँपलिकामा च्याउ खाएर बिरामी भएकाहरूको उपचारमा लागेको खर्च सरकारले बेहोर्ने भएको छ।

गत जेठ २४ गते निस्दी ३ सार्कीडाँडाका चार परिवारका ११ बिरामीमध्ये ६ जनाको ज्यान गएको थियो भने दुई जना उपचारपछि घर फर्किएका छन्।

विषालु च्याउका कारण बिरामी परेका ८० वर्षीय प्रेमसिं ठकुरी र दानकुमारीसिं ठकुरीलाई उपचारपछि घर फिर्ता पठाइएको छ।

अस्पतालमा रहेका तीन बिरामीको उपचार जारी रहेको संघीय सांसद दलबहादुर रानाले बताए।

दानकुमारी रानाको उपचारमा लागेको एक लाख ३० हजार स्वास्थ्य तथा जनसङ्ख्या मन्त्रालयमार्फत गृह मन्त्रालयबाट स्वीकृत गराएर उपलब्ध गराइएको उनको भनाइ छ।

अन्यलाई उपचारपछि रकम दिइने सांसद रानाले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।