१ असार २०७६ , आइतवार

अस्पतालमा सुरक्षा नभएको भन्दै सबै डाक्टर बसे बिदामा

काठमाडाैं : अस्पतालमा काम गर्न सुरक्षा नभएको भन्दै डडेल्धुरा अस्पतालका सबै डाक्टर बिदामा बसेका छन्।

सुरक्षाको कारण देखाउँदै सो अस्पतालमा कार्यरत ११ जना डाक्टरले अस्पतालका मेडिकल सुपरिटेन्डेन्टलाई बिदामा बस्ने भन्दै पत्र बुझाएका हुन्।

मेडिकल सुपरिटेन्डेन्टलाई बुझाएको पत्रमा चिकित्सकहरुले सरकारले प्रमुख जिल्ला अधिकारीले डर र धम्की दिएको उल्लेख छ । सुरक्षा दिने निकाय नै गैरजिम्मेवार बनेकोले बिदामा बस्नुपरेको पनि पत्रमा उल्लेख छ । अस्पतालमा आतकं मच्चाउनेलाई कारवाही नगरेसम्म काममा नफर्कने सामुहिक बिदापत्रमा उल्लेख छ।

गत ३१ जेठमा अमरगढी नगरपालिका ६ कि २५ वर्षीया गीता ताम्राकारको शल्यक्रियाका क्रममा मृत्यु भएपछि आफन्तहरुले चिकित्सकको लापरवाही भन्दै अस्पतालमा हुलदंगा मच्चाएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।