कञ्चनपुर : भीमदत्तनगरमा शनिबार ज्येष्ठ नागरिकका लागि सञ्चालन गरिएको निःशुल्क आँखा शिविरमा २५० जना लाभान्वित भएका छन्।

भीमदत्त नगरपालिकाको आयोजना तथा नेपाल नेत्रज्योति सङ्घ, गेटा आँखा अस्पताल तथा महेन्द्रनगर आँखा अस्पतालको प्राविधिक सहयोगमा ज्येष्ठ नागरिकका लागि निःशुल्क आँखा शिविर सञ्चालन गरिएको हो।

शिविरमा २५० ज्येष्ठ नागरिकको निःशुल्क आँखा परीक्षण गरिएको भीमदत्तनगर आँखा अस्पतालका नेत्र अधिकृत वीरसिंह धामीले बताए। उनका अनुसार ८० दृष्टिदोष भएका ज्येष्ठ नागरिकलाई निःशुल्क चश्मा वितरण गरिएको थियो।

आँखा जाँचका क्रममा मोतियाविन्दु भएको पाइएका ५५ र एक आँखामा मासु पलाएका ज्येष्ठ नागरिकको भीमदत्तनगरस्थित आँखा अस्पतालमा आइतबार निःशुल्क शल्यक्रिया गरिने अधिकृत धामीले जानकारी दिए।

रकम अभावले टाढा पुगेर आँखाको उपचार गराउन नपाएका बिरामीहरूले राहत महसुस गरेको बताए।