३२ जेष्ठ २०७६ , शनिबार

निःशुल्क स्वास्थ्य शिविरमा लिए ३५० ले सेवा

नुवाकोट : जिल्ला स्वास्थ्य कार्यालय नुवाकोट र किस्पाङ गाउँपालिकाको समन्वयमा सञ्चालित एकदिने स्वस्थ्य शिविरमा ३५० भन्दा बढीले सेवा लिएका छन्।

किस्पाङ गाउँपालिका–२ गोगनेमा रहेको कालिका आधारभूत विद्यालयमा शिविर सम्पन्न भएको हो। शिविरमा विशेषगरी महिला, वृद्धवृद्धालाई ग्राहयता दिएको बताइएको छ। गाउँमै स्वास्थ्य शिविर सञ्चालन भएको भन्दै स्थानीयवासीले खुशी व्यक्त गरेका थिए।

शिविरमा जिल्ला अस्पताल त्रिशूलीका डा. अमित श्रेष्ठ, डा सुजन तामाङलगायतले उपचार गरेको कार्यालयका निमित्त प्रमुख राममणि घिमिरेले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।