शल्यक्रियाका क्रममा बिरामीको मृत्यु भएपछि ओम अस्पतालमा तनाव
काठमाडौं : उपचारका क्रममा बिरामीको मृत्यु भएपछि चावहिलस्थित ओम अस्पतालमा तनाव उत्पन्न भएको छ।
पित्तथैलीमा भएकाे पत्थरीको शल्यक्रिया गर्दा सिन्धुपाल्चोक इन्द्रावती गाउँपालिका १० की ५० वर्षीया रामप्यारी थापामगरको मृत्यु भएको थियो।
बिरामीका आफन्तहरूले चिकित्सकको लापरबाहीले बिरामीको मृत्यु भएको भन्दै अस्पताल परिसरमा नाराबाजी गरेका छन्। ड्रिल गरेर शल्यक्रिया गर्दा सानो आन्द्रा पनि सँगसँगै छेडिएको र त्यो समयमै नटाल्दा शरीरभर संक्रमण फैलिएर बिरामीको मृत्यु भएको मृतकका आफन्तले आरोप लगाएका छन् । उनीहरूले दोषी चिकित्सकलाई तत्काल कारबाही एवम क्षतिपूर्तिको माग गरेका छन्।
अस्पतालले भने बिरामीको मृत्यु चिकित्सकको लापरबाहीले नभएको जानकारी दिएको छ। अस्पतालका मेडिकल डाइरेक्टर डा.केपी देवकोटाले चिकित्सकको लापरबाहीका कारण नभई संक्रमणका कारण बिरामीको मृत्यु भएको प्रतिक्रिया दिए। ‘यो कुरा हामीले उहाँहरुलाई राखेर पनि गरिसकेका छौं, फेरि किन नाराबाजी गरिरहनु भएको हो बुझ्न सकिएन, उनले भने ।’
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ