२९ जेष्ठ २०७६ , बुधबार

गर्भवतीलाई वडाको कोसेली : प्रतिमहिना १० वटा अण्डा

काभ्रे : रोशी गाउँपालिका वडा नम्बर १२ ले गर्भवतीलाईअण्डा वितरण गर्न थालेको छ। गर्भवतीलाई नियमित स्वास्थ्य जाँच गराउन प्रेरित गर्ने र पोषणमा सहयोग पुर्याउने उद्देश्यले यो अभियान थालेको वडाले जनाएको छ।

गर्भ रहेको सामान्यतयाः चारदेखि नौ महनिासम्म गर्भ जाँच गर्न आउँदा स्वास्थ्य संस्थामार्फत नै अण्डा वितरण गर्न थालिएको वडाध्यक्ष राम लामाले जानकारी दिए।

गर्भ रहेको चारदेखि नौ महनिासम्मप्रति महिना १० वटाका दरले अण्डा वितरण गरिनेलामाले बताए। यो सेवा पाउन गर्भवतीले पहिलो परीक्षण अवधि तीन महीनादेखि प्रत्येक महिनामा जाँच गराउनुपर्ने बताइएको छ।।

गर्भ जाँचका लागि पुस्वास्थ्य संस्था पुगेका महिलालाई स्वास्थ्यको अवस्था र आवश्यक पौष्टिक आहारका विषयमा जानकारी गराएर अण्डा वितरण गर्ने गरिएको बताइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।