आर्युर्वेदका विशेषज्ञ चिकित्सकलाई पुल दरबन्दीमा राख्न माग
काठमाडौं : आयुर्वेदका विशेषज्ञ चिकित्सकलाई संघ अन्तर्गत पुल दरबन्दीमा राख्न माग गरिएको छ । नेपाल आयुर्वेद चिकित्सक संघले आयुर्वेदका १२ जना विशेषज्ञ चिकित्सकहरुलाई पुल दरबन्दीमा राख्न माग गर्दै स्वास्थ्य राज्यमन्त्री डा सुरेन्द्र यादवको ध्यानाकर्षण गराएका छन्।
स्वास्थ्य तथा जनसंख्या मन्त्रालयसँग सहमति भएको भए पनि आयुर्वेदका चिकित्सकलाई बेवास्ता गर्दै पुल दरबन्दीमा नराखिएको संघको आरोप छ । यसअघि सरकारी चिकित्सकको आन्दोलनका कारण मन्त्रालयले १ सय २३ जना विशेषज्ञ चिकित्सकलाई पुलदरबन्दीमा राख्न सामान्य प्रशासन मन्त्रालयमा सूची पठाइसकेको छ । तर त्यसमा आयुर्वेद तर्फका चिकित्सक नपरेको भन्दै संघले आपक्ति जनाएको हो ।
संघका अध्यक्ष डा प्रकाश ज्ञवालीले यसै पनि आयुर्वेदका विशेषज्ञ चिकित्सक कम छन् भएकालाई पनि प्रदेशमा पठाउने हो भने नरदेवी अस्पताल नै चलाउन गाह्रो पर्ने अवस्था देखिएको बताए । उनले मन्त्रालयबाट आयुर्वेदलाई बेवास्ता गर्दै एकलौटी ढंगले सूची पठाएको भन्दै सच्याउन माग गरे ।
‘क्षयरोगको उपचारसँगै पोषणमा पनि ध्यान दिन जरुरी हुन्छ’
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर