२२ जेष्ठ २०७६ , बुधबार

मापदण्डविपरीतका दुई फार्मेसीमा सिल

कञ्चनपुर : शुक्लाफाँटा नगरपालिका–१० झलारी बजारका दुई औषधि पसल सिलबन्दी गरिएको छ।

औषधि व्यवस्था विभाग शाखा कार्यालय नेपालगञ्जको टोलीले मेनरोड झलारीस्थित शुभम् बासुलिङग एग्रोभेट र पिपलाडी रोडमा रहेको अशोक क्लिनिक मंगलबार शिलबन्दी गरेको हो।

शुभम् बासुलिङ एग्रोभेटको दर्ता प्रमाणपत्र स्पष्ट नदेखिएको र कैलालीको अत्तरियामा सञ्चालन गर्ने अनुमति पाएको भए पनि ठाउँसारी नगरी झलारीमा सञ्चालन गरिरहेको विभागका फार्मेसी अधिकृत विजय कार्कीले बताए। मेडिकलमा अवैध र म्याद गुज्रेका औषधि समेत फेला परेका टोलीले जनाएको छ।

यस्तै अशोक क्लिनिक दर्ता नभई सञ्चालन भएको टोलीले जनाएको छ। मापदण्डविपरीतका औषधि बिक्री गर्दै आएको क्लिनिकले यौन उत्तेजना जगाउने, गर्भपतन गराउने औषधि पनि बिक्रीका लागि राखेको अनुगनका क्रममा पाइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।