२१ जेष्ठ २०७६ , मङ्लबार

वडाका सबैको निःशुल्क स्वास्थ्य बिमा

हुम्ला : सिमकोट गाउँपालिकाले वडा नम्बर ५ का सबै घरधुरीको स्वास्थ्य बिमा गर्ने भएको छ। वडाका सबै सबै नागरिकलाई समेटेर स्वास्थ्य बिमा गर्न लागिएको हो।

आगामी आर्थिक वर्षका लागि वडाबाट सञ्चालन हुने योजनामा बिमा कार्यक्रमलाई समेटिएको वडाध्यक्ष कृष्णबहादुर बोहराले बताए।

वडामा ३१८ घरधुरी छन्। पाँच जना सदस्य रहेको घरधुरीलाई तीन हजार पाँच सय बिमाको प्रिमियम लाग्ने र त्यो सबै वडाले तिर्ने उनले जानकारी दिए। यसका लागि ११ लाख ६६ हजार रुपियाँ विनियोजन गरिएको अध्यक्ष बोहराको भनाइ छ।

नागरिकको स्वास्थ्यसँग सरोकार राख्ने विषय भएकाले सबैको निःशुल्क बिमा गर्न लागेको वडा कार्यालयले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।