२० जेष्ठ २०७६ , सोमवार

मुख्यमन्त्री पौडेलको मुटुको शल्यक्रिया

काठमाडौं : प्रदेश ३ का मुख्यमन्त्री डोरमणि पौडेलको मुटुको शल्यक्रिया ‘एनजिओप्लाष्ट’ गरिएको छ।

मुटुरोग विषेशज्ञ डाक्टर चन्द्रमणि अधिकारीसहित विशेषज्ञ टोलीले उपचार गरेको मुख्यमन्त्रीको सचिवालयले जनाएको छ। उनको उपचारमा २० मिनेट समय लागेको थियो। पौडेललाई अहिले आईसीयूमा राखिएको छ।

चिकित्सकहरूले मुख्यमन्त्री पौडेललाई एक साता आराम गर्न सुझाव दिएका छन्। मुटुको नियमित परीक्षणका लागि काठमाडौंको शहीद गंगालाल राष्ट्रिय हृदयरोग निवारण केन्द्र पुगेका मुख्यमन्त्री पौडेल एनजिओग्राफी गर्दा मुटुको भल्बमा सामान्य समस्या देखिएपछि आइतबार अस्पताल भर्ना भएका थिए।

पौडेल उच्च रक्तचाप तथा मधुमेहबाट पनि पीडित छन्। यसअघि हेटौँडाको सामुदायिक आँखा अस्पतालमा उनको आँखाको मोतीयाविन्दुको शल्यक्रिया गरिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।