१९ जेष्ठ २०७६ , आइतवार

आँखा शिविरमा ६६३ ले पाए दृष्टि

जाजरकोट : छेडगाड गाउँपालिकाले आयोजना गरेको आँखा शिविरमा ६६३ जनाले एकै पटक संसार देख्न पाएका छन्। सामाजिक विकास मन्त्रालय कर्णाली प्रदेश र छेडागाड नगरपालिकाको संयुक्त आयोजनामा भएको शिविरमा आएर सेवा लिएपछि धेरैले पुनः आँखा देख्न पाएका हुन्

छेडागाड नगरपालिका – ३ का ६१ वर्षीय रत्न सिंहले आँखा देख्न छाडेको १० वर्षपछि पुनः संसार देख्न पाएको भन्दे खुशी व्यक्त गरे । स्वास्थ्यकर्मी नभएर उपचार गर्न नपाएका र अर्थ अभावमा कारण रोग पालेर बस्न बाध्य दुर्गमका सर्वसाधारण गाउँमै उपचार पाउँदा खुसी भएका छन्। सामाजिक विकास मन्त्रालयको सहकार्यमा जाजरकोटका स्थानीय तहले स्वास्थ्य शिविर आयोजना गर्दै आएका छन्।

रकम अभाव भएका, अशक्त, अपाङ्गता भएका व्यक्तिले शिविरबाट सेवा लिएको छेडागाड नगरपालिका स्वास्थ्य शाखाका भीमराज सिंहले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।