१२ जेष्ठ २०७६ , आइतवार

शल्यक्रिया शिविरमा महिलाको मृत्यु

मुगु : पाठेघर खसेका महिलाका लागि आयोजित शल्यक्रिया शिविरमा उपचारका क्रममा एक महिलाको मृत्यु भएको छ।

कर्णाली प्रदेश सामाजिक मन्त्रालय र स्वास्थ्य विज्ञान प्रतिष्ठान जुम्लाले आयोजना गरेको शल्यक्रिया शिविरमा उपचार गर्दै गर्दा सोरु गाउँपालिका ५ कि ४५ वर्षीया कन्नकला बिष्टको मृत्यु भएको हो।

जिल्ला अस्पतालमा सञ्चालन भएको शिविरमा डाक्टर भोला श्रेष्ट नेतृत्वको टोलीले शुक्रबार उनको शल्यक्रिया गरेको थियो। शल्यक्रिया गरिसकेपछि बिष्ट बर्बराउने, कराउने, बान्ता गर्ने गर्दागर्दा टाँका फुत्किएको थियो। त्यसपछि धेरै रक्तश्राव भएको थियो। उनलाई आवश्यक ‘ओ पोजेटिभ’ रगत पनि निकै ढिलोमात्र पाइएको थियो।

बान्ता गर्दा पेटमा जमेको रगत फोक्सोमा पुगेर मृत्यु भएको हुनसक्ने जिल्ला अस्पतालका डाक्टर निर्मल नगरकोटीले जानकारी बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।