७ जेष्ठ २०७६ , मङ्लबार

नगरवासीलाई निरोगी बनाउन योग अभ्यास

मुगु : धेरै मानिसको स्वास्थ्यमा विभिन्न समस्या देखिएपछि छायानाथ नगरपालिकाले योगाभ्यास सञ्चालनमा ल्याएको छ।सर्वसाधारणको स्वास्थ्यस्तर दिनप्रतिदिन खस्किँदै गएको भन्दै नगरपालिकाभित्र योगाभ्यास सञ्चालन गरिएको हो।

स्थानीयवासीको जीवनशैलीमा सुधारका लागि नगरपालिकाको आर्थिक र प्राविधिक सहयोग तथा गमगढी पतञ्जलि योग समितिको सहकार्यमा नगरपालिकाका सबै नागरिकमा योगमार्फत स्वास्थ्य सुधार र सकारात्मक सोचाइ विकास गर्ने उद्देश्यले योग कार्यक्रम शुरु गरिएको नगरप्रमुख हरिजङ्ग शाहीले बताए।

नगरपालिकाका सबै बस्तीका मानिसको स्वस्थ जीवन बनाउनका लागि सबै बस्तीमा तीन दिनको योग शिविर सञ्चालन गरिएको मुगु जिल्ला पतञ्जलि योग समितिका अध्यक्ष जयबहादुर मल्लले जानकारी दिए।

जिल्लाका चार स्थानीय तहमध्ये छायानाथ एक मात्र नगरपालिका हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।