६ जेष्ठ २०७६ , सोमवार

रकम अभावमा हुन सकेन मिर्गौला रोगी पूर्वखेलाडीको उपचार

विराटनगर : मिर्गौला प्रत्यारोपणका लागि खर्च जुटाउन नसक्दा पूर्वखेलाडी केदार कटवाल जीवन मरणको दोसाँधमा छन्। मोरङको कानेपोखरी गाउँपालिका– १ होक्लाबारी घर भएका दुवै मिर्गौला खराब भएपछि दुई वर्षयता डायलासिस गराइरहेका छन्।

कट्वाल पूर्व भलिबल खेलाडी हुन्। १२ वर्ष जिल्लास्तरीय टोलीबाट प्रतिस्पर्धा गरेका उनले केही समय प्रशिक्षक पनि भएका थिए। कमजोर आर्थिक अवस्थाका कारण वैदेशिक रोजगारीमा गएर फर्किएका थिए।

नोबेल मेडिकल कलेज विराटनगरमा हप्ताको दुई पटक डायलासिस गराइरहेका उनी निःशुल्क हुने डाइलसिसका लागि आवश्यक पर्ने किड किन्न पनि नसक्ने अवस्थामा पुगेका छन्। श्रीमती देवीमाया मिर्गौला दिन तयार भए पनि प्रत्यारोपण गर्न खर्च नभएको उनी बताउँछन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।