३ जेष्ठ २०७६ , शुक्रबार

सुत्केरी हुन नसकेकी किशोरीलाई हेलिकोप्टरबाट उद्धार

रुकुम : सुत्केरी हुन नसकेकी रुकुम पूर्वकी एक किशोरीलाई हेलिकोप्टरबाट उद्धार गरिएको छ। पुथा उत्तरगंगा गाउँपालिका ८, चारगाउँकी १६ वर्षीया मलिना मल्ललाई सेनाको हेलिकोप्टरमार्फत नेपालगञ्ज लगिएको हो।

व्यथा लागेको तीन दिनसम्म पनि बच्चा नजन्मेपछि हेलिकोप्टर मगाएर उनको उद्धार गरिएको निमित्त प्रमुख जिल्ला अधिकारी श्रवणकुमार साहले बताए। सुत्केरी व्यथा सुरु भएपछि उनी परिवारका सदस्यको साथमा स्थानीय स्वास्थ्य चौकीमा गएकी उनलाई स्वास्थकर्मीले अन्यत्रै लैजान सुझाव दिएका थिए।

एक साताअघि गाउँमै आयोजना गरिएको स्वास्थ्य शिविमा डाक्टरले पेटमा रहेको बच्चा उल्टो भएको भन्दै मलिनालाई सुविधा सम्पन्न ठाउँमा लैजान सुझाव दिएका थिए। रकम र यातायातका साधन अभावमा उनलाई अस्पताल जान नसक्दा यस्तो समस्या भएको परिवारले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।