३ जेष्ठ २०७६ , शुक्रबार

बासी खाना खाँदा १०० भन्दा बढी बिरामी

पाल्पा : तिनाउ गाउँपालिका ४ सत्यवतीको बोउरमा बासी खाना खाँदा १०० भन्दा बढी बिरामी परेका छन्। छिमेकीको घरमा १३ औं दिनको पुण्‍यतिथिमा तयार गरिएको खाना खाँदा १०५ जना बिरामी परेका हुन्।

तिनाउ गाउँपालिकाका अध्यक्ष ओमबहादुर घर्तीमगरका अनुसार दुई दिनअघि तयार गरिएको मासुसहित विभिन्न परिकारका खाना उनीहरूले बिहीबार पनि खाएका थिए। बिरामीमध्ये आठजनाको अहिले लुम्बिनी मेडिकल कलेज प्रभास पाल्पामा उपचार भइरहेको छ।

उनीहरूमध्ये दुईजनाको अवस्था गम्भीर रहेको र आइसियुमा राखेर उपचार भइरहेको जिल्ला स्वास्थ्य कार्यालय पाल्पाका सूचना अधिकारी माधव ज्ञवालीले बताए। डा. पुष्प ज्ञवालीको नेतृत्वमा स्वास्थ्यकर्मीको टोली गाउँमै पुगेर सामान्य बिरामीको पनि उपचार गरिरहेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।