काठमाडौं : उपप्रधानमन्त्री एवं स्वास्थ्य तथा जनसंख्यामन्त्री उपेन्द्र यादवले सबै सरकारी अस्पतालमा जनशक्ति र उपकरण व्यवस्था गरी उपचार सेवा सुधार गर्ने प्रतिबद्धता जनाएका छन्।

महाराजगञ्जस्थित कान्ति बाल अस्पतालमा बिहीबार आयोजित मेडिकल उपकरण हस्तान्तरण कायक्रममा उनले कर्मचारी समायोजन सकिएलगत्तै जनशक्ति र उपकरणको व्यवस्था गर्ने बताएका हुन्।

स्वास्थ्य मन्त्री यादवले आगामी आर्थिक वर्षको  बजेटकाे  १० प्रतिशत स्वास्थ्य क्षेत्रमा छुट्याउन प्रधानमन्त्री र राष्ट्रिय योजना आयोगमा आफूले गरिरहेको दाबी गरे।

थाइल्याण्डमा कुल बजेटको २१ प्रतिशत बजेट विनियोजन हुने गरेको उदाहरण दिँदै मन्त्री यादवले स्वास्थ्य र शिक्षा क्षेत्रलाई राज्यले प्राथमिकतामा राख्नुपर्ने बताए।

टेकुस्थित परिवार स्वास्थ्य महाशाखाले उपलब्ध गराएको करिब ८० लाख मूल्यको उपकरण कान्ति बाल अस्पताललाई हस्तान्तरण गरिएको हो।