काठमाडौं  : श्रीमानले एसिड प्रहार गर्दा घाइते भएकी जेनी खड्काको स्वास्थ्य अवस्था स्थिर र गम्भीर रहेको अस्पतालले जनाएको छ। हाल उपचार उनको कीर्तिपुर अस्पतालमा भइरहेको छ। शुरुमा आईसीयूमा राखेर उपचार गरिएकोमा अहिले वार्डमा सारिएको अस्पतालले जनाएको छ।

शरीरमा एसिड परेकाहरूको अवस्था उपचार गरेको ४८ देखि ७२ घण्टापछि मात्र थाहा हुने हुँदा अहिले नै केही भन्न नसकिनै बताइएको छ। एसिडका कारण उनको दुवै हात, छातीको अगाडिको भाग, घाँटीको भाग र अनुहारको तल्लो भाग गरी २० प्रतिशत भाग जलेको अस्पतालले जानकारी दिएको छ।

आफूसँग नबसेकाे भन्दै काभ्रे धुलिखेल घर  भई काठमाडाैं बस्दै आएका विष्णु भुजेलले श्रीमती जेनीलाई बुधबार बेलुकी ८ बजेतिर काठमाडौंको कालोपुलनजिक एसिड प्रहार गरेका थिए। श्रीमतीलाई एसिड प्रहार गरेर भक्तपुरतिर भागेका विष्णुलाई प्रहरीले काँडाघारीबाट पक्राउ गरेको थियो।