असुरक्षित गर्भपतन गराउन खोज्दा बालिका मृत्युको मुखमा
नेपालगञ्ज : असुरक्षित गर्भपतन गराउन खोज्दा नेपालगञ्ज उपमहानगरपालिका–१० की १३ वर्षीया एक बालिका मृत्युको मुखमा पुगेकी छिन्।
जिल्ला प्रहरी कार्यालय बाँकेका अनुसार कक्षा ८ मा अध्ययनरत एक किशोरीले पेटमा रहेको गर्भ आफैँ फ्याँक्न खोजेकी थिइन्। गर्भपतन गराउन जथाभावी औषधि सेवन गरेपछि अत्यधिक रक्तश्राव हुँदा उनी मृत्युको मुखमा पुगेकी हुन्।
जिल्ला प्रहरी कार्यालय बाँकेका प्रहरी उपरीक्षक अरुण पौडेलका अनुसार, ती बालिकाको नेपालगञ्ज मेडिकल कलेज शिक्षण अस्पताल कोहलपुरमा आइसीयूमा उपचार भइरहेको छ। ती बालिकाले तीन महीनाको गर्भ फाल्न गर्भपतन गराउने औषधि सेवन गरेपछि अत्यधिक रक्तश्राव भएको थियो।
प्रहरी उपरीक्षक पौडेलले नेपालगञ्ज उपमहानगरपालिका–१० बाट उद्धार गरी अस्पताल भर्ना गरेको बताए। १३ वर्षीया बालिका कसरी गर्भवती भइन् र उनलाई कसले वा कसरी गर्भपतन गराउन खोज्यो भन्नेबारे अनुसन्धान भइरहेको उनले जानकारी दिए।
बालिकालाई बचाउन रगतका लागि आग्रह गरिएको छ। ‘एबी’ नेगेटिभ रगत समूहकी ती बालिकालाई रगतदान गर्न प्रहरीले अनुरोध गरेको छ।
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन
‘स्ट्रोकको उपचारमा समय सबैभन्दा महत्वपूर्ण मानिन्छ’