Health TV Online
Health TV Online

८५ हजार नर्स, आधाभन्दा बढी बेराेजगार, १५ सय मात्र सरकारी सेवामा

८५ हजार नर्स, आधाभन्दा बढी बेराेजगार, १५ सय मात्र सरकारी सेवामा

काठमाडाैं : नेपाल नर्सिङ काउन्सिलका अनुसार हाल नेपालमा ८५ हजार नर्स दर्ता छन्। ८५ हजारमध्ये १५ सय मात्र स्वास्थ्य मन्त्रालय अन्तर्गतका विभिन्‍न अस्पताल र विभागमा कार्यरत छन्। काउन्सिलका अनुसार विभिन्‍न तहमा गरेर नेपाल सरकारसँग १५ सय ३३ जना मात्र नर्स छन्।

८५ हजार नर्समध्ये ५० प्रतिशत भन्दा बढी बेरोजगार छन्। त्यसमा धेरैजसोले करारमा सेवा दिइरहेका छन्। नर्सिङ पढ्नेमध्ये एकदमै थोरैले राम्रो रोजगारी पाएका छन्। राेजगारहरू पनि करारमा काम गर्न बाध्य छन्।

नर्सहरू सरकारी सेवामा थोरै हुनुको प्रमुख कारण सीमित दरबन्दी हो। महाशाखाका अनुसार अहिले नेपाल सरकारसँग २०४९ सालको दरबन्दी अनुसार नै नर्सहरूको पदपूर्ति भइरहेको छ।

एकजना नर्सले बढीमा ६ देखि आठजना बिरामी हेर्नुपर्ने व्यवस्था विश्व स्वास्थ्य संगठनले गरेको छ। तर नेपालमा एक नर्सले १५ देखि २० जना बिरामीसम्म हेर्नुपर्ने बाध्यता छ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार