२५ बैशाख २०७६ , बुधबार

अस्पतालमा उपचार गराइरहेका बिरामी पाँच दिनदेखि बेपत्ता

तनहुँ : बन्दीपुरस्थित बन्दीपुर अस्पतालको क्षयरोग उपचार केन्द्र (डीआर होम)मा उपचाररत एक बिरामी बेपत्ता भएका छन्। भानु नगरपालिका–१० दुधेकुनाका ५६ वर्षीय बद्रीबहादुर गुइदे अस्पतालबाटै बेपत्ता भएका हुन्।

क्षयरोगको उपचार गराइरहेका उनी यही वैशाख १९ गतेदेखि हराएको अस्पतालले जानकारी दिएकाे छ। पाँच दिनदेखि सम्पर्कविहीन भएका गुइदेलाई फेला पार्न नसकिएको जिल्ला प्रहरी कार्यालय तनहुँका प्रहरी नायब उपरीक्षक लीलाराज लामिछानेले बताए।

गुइदे क्षयरोगबाट ग्रस्त भएकाले रोग अन्य व्यक्तिमा सर्नसक्ने भन्दै अस्पतालले छिटो खोजी गरिदिन प्रहरीसँग आग्रह गरेको छ। पोखराबाट तालिमप्राप्त कुकुर झिकाई खोजी गर्दा पनि पत्ता लगाउन नसकेको प्रहरीले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।