२३ बैशाख २०७६ , सोमवार

अस्पतालले मृत घाेषणा गरेकाे शिशुले सास फेरेपछि…

चितवन : मृत्यु भएको भनी अन्त्येष्टि गर्न लागिएकाे शिशुले सास फेरेपछि पुनः अस्पताल ल्याइएको छ।

हेटौँडा घर भएकी एक अविवाहिता युवतीले चितवन मेडिकल कलेजमा आइतबार शिशु जन्माएकी थिइन्। शिशुकाे उपचार सम्भव नभएको चिकित्सकले बताएकाले अन्त्येष्टिका लागि देवघाट लगिएकाे परिवारले जनाएकाे छ।

शिशुको मृत्यु भएको भनी परिवारजनले देवघाटमा अन्त्येष्टिका लागि तयारी गर्दै गर्दा सास फेरेकाे देखेपछि स्थानीयवासीले शिशुलाई अस्पताल लगेर प्रहरीलाई खबर गरेका थिए।

लगत्तै शिशुकी हजुरआमालाई प्रहरीले नियन्त्रणमा लिएको चितवन जिल्ला प्रहरी कार्यालयका प्रवक्ता तथा प्रहरी नायब उपरीक्षक दुर्गाराज रेग्मीले बताए। चितवन मेडिकल कलेजमा शिशुको उपचार भइरहेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।