१८ बैशाख २०७६ , बुधबार

चितवन मेडिकल कलेजलाई मिर्गौला प्रत्यारोपण अनुमति

चितवन : भरतपुरस्थित चितवन मेडिकल कलेजले मिर्गौला प्रत्यारोपणका लागि अनुमति पाएको छ। अंग प्रत्यारोपण समन्वय समितिको बैठकले कलेजलाई मिर्गौला प्रत्यारोपणका लागि अनुमति दिने निर्णय गरेको हो।

चितवन मेडिकल कलेज मिर्गौला प्रत्यारोपणका लागि अनुमति प्राप्त गर्ने निजी क्षेत्रकाे पाँचौँ अस्पताल हाे। चितवनमै यसअघि कलेज अफ मेडिकल साइन्सेसले मिर्गौला प्रत्यारोपणको अनुमति पाएको थियो।

सरकारीतर्फ त्रिवि शिक्षण अस्पताल, वीर अस्पताल र शहीद धर्मभक्त राष्ट्रिय मिर्गौला प्रत्यारोपण केन्द्रले मिर्गाैला प्रत्याराेपण गराइरहेका छन्।

निजीतर्फ ग्राण्डी अस्पताल, निदान अस्पताल र समेरु अस्पतालले पनि याे सेवा सञ्चालन गर्ने अनुमति पाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।