१८ बैशाख २०७६ , बुधबार

स्वास्थ्यमा समस्या आएपछि एक दिनअगावै स्वदेश फर्किइन् राष्ट्रपति भण्डारी

काठमाडाैं : स्वास्थ्यमा समस्या आएपछि राष्ट्रपति विद्यादेवी भण्डारी एक दिनअगावै स्वदेश फर्किएकी छिन्। चीनकाे नाैदिने राजकीय भ्रमणमा गएकी राष्ट्रपति भण्डारी बुधबार बिहान स्वेदश फर्किएकी हुन्।

हाई अल्टिच्युडका कारण स्वास्थ्यमा समस्या आएकाले उनी एक दिनअगावै स्वदेश फर्किएकाे स्वकीय सचिव शिव भट्टराईले जानकारी दिए। राष्ट्रपति भण्डारी वैशाख ११ गते चीन प्रस्थान गरेकी थिइन्।

मंगलबार ल्हासा पुगेकी राष्ट्रपति भण्डारी त्यतैबाट सोझै काठमाडौं आइपुगेकेकी हुन्। उनलाई स्वागत गर्न प्रधानमन्त्रीलगायत उच्चपदस्थ अधिकारी त्रिभुवन अन्तर्राष्ट्रिय विमानस्थल पुगेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।