१८ बैशाख २०७६ , बुधबार

नेपाल चिकित्सक संघका उपाध्यक्ष डा. दाहालको निधन

काठमाडौं : नेपाल चिकित्सक संघका उपाध्यक्ष डा. मुकुन्द दाहालको निधन भएको छ। मंगलबार राति २ बजे बसुन्धरास्थित बीपी स्मृति अस्पतालमा दाहालको निधन भएको संघका महासचिव लोचन कार्कीले जानकारी दिए।

डा. दाहाल लामाे समयदेखि बिरामी थिए। उनी नेपाल सरकारको १०औँ तहका वरिष्ठ अर्थोपेडिक सर्जनका रूपमा कार्यरत थिए।

उनको निधनमा शोक व्यक्त गर्दै संघले नेपालले चिकित्सा पेशाका एक इमान्दार, कर्मठ र लगनशील अर्थोपेडिक सर्जनलाई गुमाएको बताएको छ।

दाहालको अन्त्येष्टि बुधबार दिउँसो पशुपति आर्यघाटमा गरिने परिवारले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।