१८ बैशाख २०७६ , बुधबार

राष्ट्रिय जनस्वास्थ्य प्रयोगशालाको निर्देशकमा डा. रुना झा

काठमाडौंः राष्ट्रिय जनस्वास्थ्य प्रयोगशालाको निर्देशकमा डा. रुना झालाई नियुक्त गरिएको छ। डा. झालाई प्रयोगशालामा दोस्रोपटक निर्देशकको जिम्मेवारी दिइएको हो ।

यसअघिका निर्देशक डा. हरिषचन्द्र उप्रेतीले उमेरका आधारमा अवकाश पाएपछि डा झाले सो पदमा जिम्मेवारी पाएकी हुन्।

यसअघि डा. झा परोपकार प्रसूति तथा स्त्रीरोग अस्पताल थापाथलीमा कार्यरत थिइन्। उनले प्रयोगशालाको गुणस्तर बढाउने र अनुमगनलाई तिव्रता दिने बताइन्।साथै उनले विदेशमा नमुना परीक्षणका लागि पठाउने अवस्थाको अन्त्य गर्दै प्रयोगशालाको विकास र विस्तारमा लाग्ने समेत जोड दिने समेत जानकारी दिइन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।