१६ बैशाख २०७६ , सोमवार

अज्ञात रोगका कारण मृत्यु हुनेको संख्या १० पुग्याे

हुम्ला : ताँजाकोट गाउँपालिकामा तीन सातादेखि फैलिएको अज्ञात रोगका कारण मृत्यु हुनेको संख्या १० पुगेको छ। साेमबार थप एकजनाको मृत्यु भएको हो।

वडा नं. ५ भदौरा गाउँका का ६२ वर्षीया पवित्रा बोहोराको मृत्यु भएको हाे। दमको रोग भएकी बोहोराको पनि यसै रोगका कारण मृत्यु भएको मैला स्वास्थ्य चौकीका अहेब मोतीलाल जैसीले जानकारी दिए। यसअघि यही राेगका कारण नाैजनाकाे मृत्यु भएकाे थियाे।

चैतकाे अन्तिम सातादेखि गाउँमा रोग फैलिएको ताँजाकोटमा आइतबार कर्णाली प्रदेश सरकारले संघीय सरकारको समन्वयमा नेपाली सेनाको हेलिकोप्टरबाट चिकित्सकहरू डाक्टर केएन पौडेलको नेतृत्वमा टेकराज भट्टराई, केशव अधिकारी र अन्य स्वास्थ्यकर्मी औषधिसहित ताजाकोट पुगेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।