१४ बैशाख २०७६ , शनिबार

एम्बुलेन्स सेवा सञ्चालन समिति गठन

सिमकोट : जिल्लामा पहिलो पटक एम्बुलेन्स सेवा सञ्चालन समिति गठन भएको छ। प्रमुख जिल्ला अधिकारी धोलकराज ढकालको संयोजकत्वमा समिति गठन गरिएको हो।

जिल्ला प्रशासन कार्यालयमा बसेको सरोकारवाला पक्षको बैठकले समिति गठन गरेको जिल्ला समन्वय समितिका इन्जिनियर एवं समितिका सदस्य देवी ऐडीले बताए। प्रमुख जिल्ला अधिकारी ढकालको संयोजकत्वमा जिल्ला प्रहरी कार्यालयका प्रमुख, जिल्ला अस्पतालका डाक्टर, स्वास्थ्य कार्यालय प्रमुख, समन्वय अधिकारी सदस्य रहेका छन् ।

समितिको पहिलो बैठकले एम्बुलेन्स सेवा सञ्चालनका लागि राजस्व निशुल्क गराउन केन्द्र सरकारलाई अनुरोध गर्ने र कर्णाली प्रदेश सरकार सामाजिक विकास मन्त्रालयबाट एम्बुलेन्स खरिदका लागि बजेटको व्यवस्था गर्न अनुरोध गर्ने निर्णय गरिएको उनले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।